來源：中大學生報 – Chinese University Student Press
【即時新聞】李偲嫣敗走馬料水，中大人Dem Beat爭普選
李偲嫣與一眾藍絲帶支持者來臨中大，二百多名的中大同學到四條柱歡迎，場面墟冚。李偲嫣先在眾人面前宣讀公開信，要求中大處分發起佔領運動的教職員陳健民。同學本打算先讓她發言。無奈李偲嫣的發言實在太過冗長，同學就舉起「停止搗亂，否則Dem Beat」的警告牌，繼而開始Dem Beat，Beat詞中有提到「我要真普選」的訴求。
學生聲勢浩大，藍絲帶一行人只好撤退。離開前，李偲嫣怒斥「中文大學的學生都是搞事的人」，同學隨即揮手歡送眾人。
以下圖片來自Facebook 偲嫣迎新營 頁面：
Facebook 偲嫣迎新營：
剛才偲嫣黎到中大，組爸媽齊集四條柱歡迎嫣妹妹，非常有禮。各位中大人都克盡組爸媽既責任，Dem beat、出四七歡迎佢既到來。
同學一直和平表達訴求，就算BB有話講不停，我地只以手比圈圈提示超時，並無閘斷BB發言。
中大學生會會長張秀賢聯同迎新營眾OC及組爸媽向BB動之以情、說之以理，高呼「佔中問責，校監下台」，可惜偲嫣並無聽入耳，更反譏中大人，指藍絲帶代表家長黎中大並唔係交信比學聯。
偲嫣問張秀賢代唔代表到中大人，但並無比時間我地回答問題。校內有人支持、有人反對中大學生會，但係佢地有民意授權，3431票當選，其實贏左689九條街架（詳見附）。頭先中大人亦曾群起高喊「回應學生」，為何偲嫣你要拒絕對話，唔肯聆聽學生訴求呢？
迎新營籌委在此嚴正聲明，中大人在大是大非前，定會團結一致，唔理學乜學乜，我地爭取緊既野從來無變，請偲嫣BB唔好分化或誤解中大人的一片丹心。
不要黑警、不要藍絲。
佔中問責、校監下台。完左ocamp我地會持續會去旺角同金鐘食宵同夜話，中大人，到時見。
中大人唔係鍾意搞事，只係比較真心同埋追求正義。（唔小心押左韻）
註：2014年中大學生會代表會公佈選舉結果
學生會幹事會選舉候選內閣「澄」：
總票數：４６０７
廢票數：２６３
合法票數：４３４４（總票數減去廢票數目；應等於信任票數加不信任票數加棄權票數）
信任票數：３４３１
不信任票數：４８１
棄權票數：４３２
選舉結果：足夠合法票數；信任票多過不信任票及棄權票總和，成功當選。來源：CU Mass Mail
我地有公民提名，一人一票架，你明唔明呀BB？利申OC入面無人係CUSU架，唔使亂估。
