葉一知
今天去了書展逛了個圈, 第一日好好行, 人又少. 買了以下幾本書:
專治政無能之起你個錨 (毛小璐, haha, 諗下佢個英文名)(大眾書局有售)
據說次文化堂十年來第一次唔出政治漫畫, 但一雞死一雞鳴, 呢本政治笑話很爆笑.其中一篇非常正, 忍唔住scan出來share, 用來說功能組別固然可以, 用來講近日的大浪西灣事件, 我覺得都好啱feel:
(按圖放大)
呢本書仲係用廣東話寫, 好悍衛粵語啊!
地產霸權 (潘慧嫻) (天地,天窗等都有售)
今年話題作, 揭露香港的地產勢力. 很值得參考, 煲左呢本書, 以後再看香港現狀, 會有更全面的角度.
香港大靈異 – 神異傳說及民間信仰 (陳雲) (天地有售)
近年常看陳雲, 去年的”難忘香港食與色”, 我覺得非常好看, 今次講靈異, 好地道, 古靈精怪, 也很合我口味啊.
過兩日再去, 睇下再掃啲咩先.
賣多次廣告: 大家記住去大眾書局看看中女起錨呀.
