特首梁振英上任逾半年，仍未獲得商界「歡心」，自由黨榮譽主席田北俊一字一頓，吐出商界主要是針對梁振英「冇．料．到」，批評梁振英個人經驗不足，也因「叻人」拒與他為伍，以致班底「唔掂」。田北俊並寄語梁振英，「最緊要咪自以為好有料喺度搞搞震。」
田北俊話，「中央在選舉初期，一直予人支持唐英年的感覺，所以社會上嘅精英，最叻嗰啲人，一面倒去晒唐營。」唎啲唔係叻人見解，中夬支持唐英年，就唔會支持CY出嚟選，「商界精英」咁聽中央支笛，點解咿家唔一面倒去晒中央支持嘅梁振英嗰度？佢哋唔妥梁振英，係道不同不相為謀。
商界支持的董建華及曾蔭權「千依百順」，功績只是留低爛攤子，而咿家房屋短缺租金昂貴同埋冇地起熡，董建華及曾蔭權係「功臣」。商界主導香港，令深層次矛盾深深深，CY出場，壟斷財團代言人唐英年已經玩完。
商人與庸人治港已證明係死路一條，領導香港需要出色的政治人才，梁振英出身寒微係事實，如有政治能量，應該為香港重新定位，土地政策係深層次矛盾的根本，CY未夠狼未夠狠，未從根本解決問題。香港回歸成為共和國的一部份，土地是全港市民的共有財產，政府是土地管理者，有責任制訂政策，避免市民一世成為房奴；停建居屋撤銷租務管制，導致貧富懸殊不斷擴大和深化。
「置業係投資，富貴跳樓自己要知，」政府應立場堅定地向社會表明，政府冇責任保障市民房屋的價值。董建華怕樓價跌驚到鼻哥窿都冇肉，曾蔭權更話樓價未回復到97年，可建屋土地缺乏以及曾蔭權的價格保證，係近幾年樓價升不完的主因。
樓價比天高的現實，解決房屋問題，建屋應以公屋和居屋及夾屋為主，在保證成本的前提下，售價應與市民的入息中位數掛勾。租金和供樓比率與家庭入中息位數合理掛勾，是改善市民生活解決深層次矛盾的根本；讓市民的生活水平和置業能力回復97前，給香港一個奮鬥目標，給社會一個希望，「樓價升不完」帶來的苦難不再成為惡夢，市民就不會爭相入市。
土地是香港市民的共有財產，自由市場的規則不適用於房屋，土地成為壟斷財團的發財工具，是對人民殘酷；更強力壓抑炒風及限制外來投資者，提高居屋及夾屋申請入息上限，樓市可望回歸自然。
經過董建華及曾蔭權的管治，香港已病入膏肓，醫番好可能需要幾十年，50年不變係魔咒，或許香港根本已經冇得醫。田北俊希望梁振英能在任內搞好所有問題，係癡人說夢。
蘋果日報──田北俊狂踩CY冇料到：
http://hk.apple.nextmedia.com/news/art/20130218/18168975
YouTube──梁振英田北俊邊個係天才邊個係白痴：
http://www.youtube.com/watch?v=rvt4Ca2cgCA
