我爸爸從小就教我點都唔可以向女性講粗口，我很認同他，這是一種尊重。但當我長大，我學懂了男女平等，我認為女性也應該有被我使用粗口的權利。例如一個師奶，她一邊手執被斬開一半的鮮魚，一邊低頭轉珠，突然一個不小心，撞到你，把半袋血水濺到你剛買的Armani西裝上，「X你呀！」這時候說一句或一個粗口也是人之常情。
講粗口，又名「爆粗」。爆，即代表有一臨界點，這正是心理學家指出的，爆粗能夠達到釋放壓力的功效。當不滿、憤怒的負面情緒因社會文明而壓抑太多，人就會透過爆粗來紓緩壓力。
但是，雖然講粗口是為了平衝心理，但的確會引起別人不安，甚至犯法。早幾日，就有一對男女因為講粗口辱罵醫生而被票控一千元仲留埋案底。這事件令人注意到在公眾場合爆粗是絕對有機會違法。那怎麼辦？「呢個社會咁多怨氣，唔通連粗口都唔畀講！？」那不如嘗試將粗口解碼，例如把「X你老母」改成「同你呀媽做愛」，但是，要知道講粗口犯法是因涉及侮辱或引起他人不安，咁樣性騷擾人呀媽可能一樣犯法，咁點算？
那我介紹你用一些新粗口，許久之前網上瘋傳一段廣州小學生爆粗對罵的短片，抵死搞笑。片中的小朋友就用了前所未有的粗口「你呀媽個波罩你」，新奇頂癮，能發洩之餘也不怕違法。引伸落去，仲可以自創粗口以作應用。我就用了以上無厘頭的邏輯自製了幾個粗口，「你呀媽幫我渣旗」、「你老母Wee Wung wung啦」等，既沒有咀咒辱罵成份又不會令人不安，但又好像內有玄機，光是花時間去參透，都早已平息干戈吧。
轉載自新報
本文由自动聚合程序取自网络，内容和观点不代表数字时代立场
