題為編輯所擬。
社會到達臨界點，負能量隨時爆發，家下唔少人又激進左，仲有意見領袖教教群眾打遊擊，挑戰政府高壓統治，即使七一無失控既事發生，之後都好大機會出現唔同形式及規模既騷亂。
各種衝擊既有秩序既做法，當然對執政者構成壓力，亦意味著香港政治進入一個新局面：既得利益者和反政府力量正展開連場博奕，會帶來甚麼改變，無法事先估計。 但令人擔心的是，可能會有一些十零歲既少年受網上輿論影響，在未清楚效果和風險的情況下，做出一些佢地自己承擔唔到後果既魯莽行為（好似刑毀或使用攻擊性武器呢類），對異議者的抗爭有害無益唔在講，更畀個機會政府大做文章，用來祭旗。
要知道，衝擊呢回事很注重論述，要有訴諸公眾道德情感既能力，否則很容易被抹黑為一般少年犯危害法紀既行為，無法使人同情，刺激大眾思考社會既不公不義，仲變成政府加大白色恐怖統治的口實。但那些意見領袖似乎有意無意咁略去呢一重考慮，佢地只著眼於大局，一心以為任何令政府頭痕既事都值得鼓勵人去做。「我雖不殺伯仁，伯仁因我而死」，對呢D領袖來說唔會放在心內。成大事點可以仁慈架，最緊要係佢地坐在鍵盤面前夠安全便可以了。
在政治動盪及鬥爭不迭的時期，政府有唔同形式的打壓，政棍亦有五花八門的煽動行為，世界會同過去二三十年所謂太平盛世既局面好唔同，大家最好有多D心理準備。
本文由自动聚合程序取自网络，内容和观点不代表数字时代立场
