長毛最近拉布要撐全民退保，首先我長氣D再講下全民退保大概係咩，依家D政洽團體就係推緊外國主流嘅「隨收隨支」全民退保，即咩呢? 以肥彭90年代提議為例，65歲就可以攞$2300(依家提議$4000)，而僱主同僱員每月供3%。即係話搵得多D就供得多D，搵得少就供少D，不過到標會果陣大家都係攞番咁多，即係有一定程度嘅共產主義。
當然老人貧窮依樣野好多人都唔忍心見到，不過當後生嘅聽到就嘩一聲，因為一個啱啱出身20出頭嘅年青人要供足廿幾年先可以標會，越年老嘅就只需要求其供下，幾年後就坐係度un un 腳收錢，衰係上黎後生嘅仲要俾人話「一代不如一代」(再一次推下依遍好文 肢解香港1 ﹣ 大環境一代不如一代 )之後再刮一筆，你話條氣點會順呢?
其實我仲擔心嘅係全民退保會令D人有咗依賴性，覺得自己唔洗同未來點打算，因為有人同佢地包底，雖然未到話做又36唔做又36咁極端，不過已經形成一定誘因令人無咁積極為未來打算，例如係蓄積或者努力工作。
而另一個問題就係通漲，如果每年有3%通漲，20年後就係80%，抵抗通漲係咪又要攪個基金呢? 大家睇下MPF嘅彪炳戰績之後又會對D投資”專家”幾有信心呢?
再睇下外國經驗:”外國經驗也顯示，人口老化，政府和市民在繳付退休金上的負擔愈來愈重，難以應 付。就此，德國和英國便把退休金申領取年齡分別延長為67歲和68歲；丹麥則將其與預期壽命連結。同時，退休金的數額也要下降，南韓退休金的替代率 （Replacement Ratio）由6成降至4成，即月薪1萬的僱員，退休金將由6,000元降至4,000元；愛爾蘭的公務員退休金也要納稅。”
http://www.hket.com/eti/article/128262d6-c250-41ce-a0f7-d6adb3e6f565-763996
依家香港人口都係正在老化，即係話標會嘅人愈來愈多，供會嘅人愈來愈少，邊度搵咁多錢俾人洗呢??
MPF相對就無咗依種共產烏托邦主義，雖然依家好多MPF表現強差人意仲要喪收手續費，不過半自由行甚至係以後嘅全自由行都令我地有得揀先，有競爭之下MPF D trustee 都唔會做得太過份先。相反如果進行全民退保，全民退保基金(長毛話嘅種子基金)就係一言堂得佢玩晒。係度又推一下 有得揀 好過坐以待斃。
原文：
http://darkkeikei.blogspot.hk/2013/05/mpf.html
本文由自动聚合程序取自网络，内容和观点不代表数字时代立场
